„თუ არის კიდევ რაიმე სხვა დამატებითი შეხვედრის აუცილებლობა, მე პრობლემას ვერ ვხედავ“, - ამის შესახებ „ქართული ოცნების“ გენერალურმა მდივანმა კახა კალაძემ განაცხადა, რითაც უპასუხა ჟურნალისტების კითხვას საარჩევნო სისტემაზე ოპოზიციასთან დიალოგის გამართვის შესაძლებლობაზე. კალაძის განცხადებით, დიალოგი პრობლემა არ არის.

„დიალოგი არ არის პრობლემა. შეხვედრა უკვე იყო, რომელსაც ოპოზიციის ლიდერები და დიპლომატიური კორპუსის წარმომადგენლები ესწრებოდნენ. იქ კიდევ ერთხელ გაკეთდა ახსნა-განმარტებები, რომ ე.წ. გერმანული მოდელის განხორციელება საკონსტიტუციო ცვლილებების გარეშე შეუძლებელია. თუ არის კიდევ რაიმე სხვა დამატებითი შეხვედრის აუცილებლობა, მე პრობლემას ვერ ვხედავ“, - განაცხადა კალაძემ.