აჭარის საზოგადოებრივი მაუწყებლის ჟურნალისტებს სოლიდარობა ქუთაისშიც გამოუცხადეს. ჟურნალისტებმა ცენტრალურ მოედანზე აქცია გამართეს.
მათი თქმით, ხელმძღვანელობა კოლეგებს შანტაჟის ენით არ უნდა ესაუბრებოდეს.
„სოლიდარობა აჭარის საზოგადოებრივი მაუწყებლის ჟურნალისტებს. ხელმძღვანელი ჟურნალისტებს შანტაჟის და ულტიმატუმის ენით არ უნდა ესაუბრებოდეს, როგორც ეს აჭარაში ხდება. ჩვენ მოვუწოდებთ გიორგი კოხრეიძეს, შეინარჩუნოს არხის დამოუკიდებლობა. ფუფუნებაა ასეთი თანამშრომლები და აუცილებლად უნდა გაუფრთხილდნენ მათ", - განაცხადეს ჟურნალისტებმა.