თბილისში, ევრონესტის საპარლამენტო ასამბლეის რიგით მე-8 ყოველწლიური სესია - „აღმოსავლეთ პარტნიორობის სამომავლო ხედვები“ დაიწყო.
დღევანდელი სესიის ფარგლებში ოთხი საკომიტეტო შეხვედრა გაიმართება.
ამასთან, რამდენიმე სამუშაო ჯგუფის შეხვედრაცაა დაგეგმილი.
საპარლამენტო ასამბლეის მუშაობაში მონაწილეობას ევროპარლამენტისა და აღმოსავლეთ პარტნიორობის ქვეყნების პარლამენტების წევრები იღებენ.
სესიის ფარგლებში, ენერგო უსაფრთხოების, აღმოსავლეთ პარტნიორობის სამომავლო ხედვებისა და გეოპოლიტიკური გამოწვევების, ასევე ევროკავშირსა და აღმოსავლეთ პარტნიორობის ქვეყნებს შორის თანამშრომლობის სხვადასხვა აქტუალურ საკითხზე იმსჯელებენ.
სესია 8-დან 10 დეკემბრის ჩათვლით გაგრძელდება.