სამოქალაქო მოძრაობა "გავიგუდეთ" წევრები და ადგილობრივი მოსახლეობის წარმომადგენლები რუსთავში, დავით გარეჯის ქუჩაზე საპროტესტო აქციას მართავენ. აქციის მონაწილეები დავით გარეჯის ქუჩაზე მეორადი ზეთის გადამამუშავებელი საწარმოს მშენებლობას აპროტესტებენ.

მათი განცხადებით, აღნიშნულ ტერიტორიაზე არსებული საწარმოები გარემოს სისტემატურად აბინძურებენ და კიდევ ერთი ახალი საწარმოს დასახლებული პუნქტიდან 300 მეტრში აშენება, ყოვლად დაუშვებელია.

"ახალი სამუშაო ადგილების შექმნა კარგია, მაგრამ ზეთის გადამამუშავებელი ქარხნის ამ ტერიტორიაზე აშენება არ შეიძლება. მივმართავთ რუსთავის საკრებულოს, შეცვალოს ეს გადაწყვეტილება. თუ საწარმოს აშენება უნდათ, ქალაქისგან მოშორებით, მაგალითად ყოფილი ქიმბოჭკოს ტერიტორიაზე ააშენონ", - განაცხადა ჟურნალისტებთან საუბარში სამოქალაქო მოძრაობა "გავიგუდეთ" აქტივისტმა ნიკოლოზ მუსერიძემ.

იხილეთ ვიდეო