გუგული მაღრაძე - სხვადასხვა პოლიტიკურ ძალებს შორის რაღაც შეუთანხმებლობა ძალიან ნორმალური პროცესი და დემოკრატიის ძალიან მაღალი დონის მაჩვენებელია

ის, რომ სხვადასხვა პოლიტიკურ ძალებს შორის რაღაც შეუთანხმებლობა ხანდახან არის ხოლმე ქვეყანაში, ეს ძალიან ნორმალური პროცესი და პირიქით, დემოკრატიის ძალიან მაღალი დონის მაჩვენებელია, - ამის შესახებ ჟურნალისტებს საპარლამენტო უმრავლესობის წევრმა გუგული მაღრაძემ განუცხადა.

მაღრაძის განცხადებით, ევროპარლამენტის საპარლამენტო ასამბლეის დღევანდელი შეხვედრა ძალიან მნიშვნელოვანია და აღმოსავლეთ პარტნიორობის 6 ქვეყანას შორის საქართველო, მის მიერ გატარებული რეფორმებით ყველაზე წარმატებულია.

"დღევანდელი შეხვედრა ძალიან მნიშვნელოვანია იმიტომ, რომ ჩვენ ევროპასთან კოორდინაციაში და ევროპასთან კავშირში ეს სისტემა თამაშობს ძალიან დიდ როლს. ყველა ევროპული სტრუქტურა აღნიშნავს, რომ საქართველო ყველაზე წარმატებულია ამ 6 ქვეყანას შორის ყველა იმ რეფორმით, რომელიც მას გაუტარებია და რამაც ის ძალიან დაახლოა ევროპას შინაარსობრივი და ფორმალური მხარითაც. ევრონესტის შეხვედრებზე იყო არჩევნების მიმოხილვა ამ რეგიონში. ყველა ქვეყნის არჩევნებზე იყო გარკვეული პოზიტივები, შენიშვნები და გამოწვევები, რაც თითოეული ქვეყნის საარჩევნო სისტემაში გამოიხატა.

ყველა კონფლიქტი ბოლოს მთავრდება იმით, რომ მოწინააღმდეგე მხარე სხდება მაგიდასთან და ეძებენ გამოსავალს. მთავარია, რომ იყოს რეალისტური პოზიციები და რეალისტური პოზიციების შეჯერებაზე ვიფიქროთ, არც ერთ და არც მეორე მხარეს არ უნდა ჰქონდეს არარეალისტური მოლოდინები და ვარაუდები. უნდა შევჯერდეთ ისეთ ვარიანტზე, რომ ქვეყანაში დაწყნარდეს სიტუაცია და ყველა ადამიანს ჰქონდეს იმის განცდა, რომ ცხოვრობს ქვეყანაში, სადაც რაიმე განსაცდელი მომავალში არ ემუქრება. ქვეყნის დემოკრატიულ სახეს განაპირობებს ძალიან ბევრი კომპონენტი, რომლის მიხედვითაც ჩვენ ძალიან დიდი წარმატებები გვაქვს და ასე უცებ არ ხდება, რომ ერთი მომენტის გამო რამე შეიერყეს.

ჩვენ ძალიან მყარი პოზიციები გვაქვს ევროპულ სტრუქტურებში იმიტომ, რომ დემოკრატიზაციის დონე, გამოხატვის თავისუფლება, პრესის თავისუფლება, საჯარო რეფორმები გვაძლევს იმის გარანტიას ვთქვათ, რომ ჩვენ ძალიან მყარი პოზიციები გვაქვს დემოკრატიული განვითარების გზაზე და ის, რომ რაღაც შეუთანხმებლობა ხანდახან არის ხოლმე ქვეყანაში სხვადასხვა პოლიტიკურ ძალებს შორის ეს არის ძალიან ნორმალური პროცესი და პირიქით დემოკრატიის ძალიან მაღალი დონის მაჩვენებელი," - განაცხადა გუგული მაღრაძემ

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას