კახა კუკავა ევროპარლამენტის დეპუტატ ტიერი მარიანის შეხვდა

პარტია „თავისუფალი საქართველოს“ ლიდერი კახა კუკავა ევროპარლამენტის დეპუტატს, ტიერი მარიანის შეხვდა, რომელიც საფრანგეთის „ეროვნული ფრონტის“ ლიდერის, მარინ ლე პენის თანამებრძოლია. ტიერი მარიანი თბილისში ევრონესტის საპარლამენტო ასამბლეის სხდომაში იღებს მონაწილეობას.

როგორც „ინტერპრესნიუსს“ პარტია „თავისუფალი საქართველოდან“ აცნობეს, კახა კუკავამ და ევროპარლამენტის დეპუტატმა ისაუბრეს, როგორც „თავისუფალი საქართველოს“ და „ეროვნული ფრონტის“ ორმხრივი ურთიერთობების განვითარებაზე, ასევე, საქართველოში შექმნილ პოლიტიკურ კრიზისზე.

კახა კუკავამ ფრანგ სტუმარს მიაწოდა ინფორმაცია „ქართული ოცნების“ მიერ შექმნილი ბანდ-ფორმირებების შესახებ, რომლებიც ეწევიან ძალადობას თბილისის ქუჩებში და პირადად ბიძინა ივანიშვილის მფარველობით სარგებლობენ. უცხოელ სტუმარს გადაეცა შესაბამისი ფოტო და ვიდეო მასალაც.

მხარეთა შეთანხმების შედეგად დიალოგი ინტენსიურ რეჟიმში გაგრძელდება და შესაბამისი ინფორმაცია საზოგადოებისთვის უახლოეს პერიოდში გახდება ცნობილი.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა