"ნაციონალური მოძრაობის" ერთ-ერთი ლიდერის გრიგოლ ვაშაძის განცხადებით, მმართველ გუნდთან დღევანდელი შეხვედრისგან კარდინალურ ცვლილებებს არ ელოდება. როგორც ვაშაძემ ჟურნალისტებთან საუბრისას განაცხადა, მმართველი გუნდი ვერ უძლებს საზოგადოებისა და სტრატეგიული მოკავშირეების წნეხს და ოპოზიციასთან შეხვედრებს ამიტომ მართავს.

"პირველი რაუნდი, თქვენ იცით, ტანჯვა-წამება იყო. მათ პასუხი არ აქვთ გასაცემი ოპოზიციისა და სამოქალაქო საზოგადოებისთვის.მათ არ იციან, რატომ არიან ამ შეხვედრაზე, გარდა იმისა, რომ ისინი ვერ უძლებენ საქართველოს მოქალაქეებისა და ჩვენი სტრატეგიული მოკავშირეების წნეხს. რომ გითხრათ, რომ ოპტიმიზმით ვარ განმსჭვალული და ველოდები კარდინალურ და რევოლუციურ გარღვევებს, არა. ჩემი დიდი ვარაუდით, არაფერი სერიოზულით მოსული არ იქნება ხელისუფლება, წინააღმდეგ შემთხვევაში, უკვე ბუკ-ნაღარა იქნებოდა მასმედიის საშუალებაში",- განაცხადა ვაშაძემ.

ცნობისთვის, სასტუმრო "შერატონში" მმართველ გუნდსა და ოპოზიციურ პარტიებს შორის შეხვედრის მეორე რაუნდი იმართება.