დავით უსუფაშვილი - ხელისუფლება თუ მოგვიტანს უკეთეს მოდელს, ვიდრე ჩვენ შევთავაზეთ, გერმანულზე და ავსტრალიურზე ჯვარი კი არ გვაქვს დაწერილი

ჩვენ გვინდა სამართლიანი არჩევნები. ამის მიღწევის საშუალებად ხელისუფლება თუ მოგვიტანს უკეთეს მოდელს, ვიდრე ჩვენ შევთავაზეთ, ჩვენ გერმანულზე და ავსტრალიურზე ჯვარი კი არ გვაქვს დაწერილი, - ამის შესახებ „შენების მოძრაობის“ ლიდერმა დავით უსუფაშვილმა ჟურნალისტებს კითხვის საპასუხოდ განუცხადა, აპირებს თუ არა ოპოზიცია გარკვეულ დათმობაზე წასვლას.

უსუფაშვილის თქმით, საარჩევნო სისტემის ცვლილების პროცესში პროგრესია და თუ რამდენიმე კვირის წინ მმართველი გუნდი ამ საკითხს არც კი განიხილავდა, ახლა ოპოზიციის შეთავაზებული ინიციატივის განხილვას აპირებენ.

„ჩვენ გვინდა სამართლიანი არჩევნები, რომელიც უზრუნველყოფს პროპორციულ წარმომადგენლობას პარლამენტში. ამის მიღწევის საშუალებად ხელისუფლება თუ მოგვიტანს უკეთეს მოდელს, ვიდრე ჩვენ შევთავაზეთ, ჩვენ გერმანულზე და ავსტრალიურზე ჯვარი კი არ გვაქვს დაწერილი. ამიტომ პროცესი გრძელდება. დააკვირდით დინამიკას. 3 კვირის წინ ხელისუფლება ამბობდა, რომ მორჩა, დაიხურა ყველაფერი, შეუძლებელია ამაზე ლაპარაკი. ორი კვირის წინ დაჯდა მოლაპარაკების მაგიდასთან, ოღონდ თქვა, რომ არ წავიკითხავ, იმიტომ, რომ არაკოსტიტუციურია. დღეს ამბობენ, რომ რაღაცების წაკითხვას დაიწყებენ, ამასობაში ეუთო-დან ველოდებით დასკვნებს. ამ პროცესს უნდა მივყვეთ. პროგრესი სახეზეა. სადამდე მიგვიყვანს და ოპოზიციის ბოლო გადაწყვეტილება რა იქნება, ამაზე ვერ ვისაუბრებ ახლა“,- განაცხადა უსუფაშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს