მიხეილ ბენიძე - პროპორციული არჩევნების საკითხზე და განსაკუთრებით, კონსენსუსის და დაპირებული პირობის შესრულებაზე, ევროპარლამენტარების გზავნილები მკაფიო იყო

ძალიან მნიშვნელოვანი იყო ევროპარლამენტარების მიერ გაკეთებული განცხადებები. ბუნებრივია, ისინი არ ერევიან კონკრეტულ შიდა დღის წესრიგში, მაგრამ პროპორციული არჩევნების საკითხთან დაკავშირებით, განსაკუთრებით, კონსენსუსის და დაპირებული პირობის შესრულებაზე, მათი გზავნილები მკაფიო იყო, - ამის შესახებ „სამართლიანი არჩევნების" ხელმძღვანელმა მიხეილ ბენიძემ ჟურნალისტებს სასტუმრო „რედისონში" განუცხადა, სადაც ევრონესტის საპარლამენტო ასამბლეის თანმდევი ღონისძიება - „ქართული დემოკრატიის გამოწვევები და 2020 წლის არჩევნები საქართველოში“ გაიმართა.

როგორც მიხეილ ბენიძემ შეხვედრის დასრულების შემდეგ განმარტა, აქცენტები გაკეთდა იმაზე, რომ მნიშვნელოვანია პოლარიზებაზე უარის თქმა. ბენიძის თქმით, ასევე განცხადებები გაკეთდა, რომ მნიშვნელოვანია პოლიტიკური პროცესისადმი იყოს ნდობა.

„ეს არ იყო ის ფორმატი, სადაც შეთანხმებები მიიღწეოდა, მაგრამ ჩემთვის მისასალმებელია ის, რომ ძირითადად დისკუსია კონსტრუქციულ ფორმებში წარიმართა. რა თქმა უნდა, იყო აზრთა სხვადასხვაობა მნიშვნელოვან საკითხებზე. ასევე, მე მომეჩვენა, რომ არის რესურსი იმისა, რომ პოზიციები დაახლოვდეს. მათ შორის, კონკრეტულად მრავალმანდატიანი მაჟორიტარული ოლქების საკითხი ის საკითხია, რაზეც როგორც ჩანს, ხელისუფლების და ოპოზიციის მხრიდანაც არსებობს მზაობა, რომ ამ საკითხზე დისკუსია გაგრძელდეს. მხარეები მზადყოფნას გამოთქვამენ, რომ სწორედ საერთაშორისო დიპლომატების მონაწილეობით შემდეგ ფორმატებში ამ საკითხებზე მსჯელობა გააგრძელონ, რაც ვფიქრობ, მისასალმებელია. ჩემი აზრით, მნიშვნელოვანია, ხელისუფლების მხრიდან დავინახოთ მზაობა, რომ ეს არ იყოს არამხოლოდ კონსულტაცია კონსულტაციისათვის, არამედ კონკრეტული შედეგის მიღწევისთვის მექანიზმი იყოს და ამისათვის ბუნებრივია, საჭიროა მათი მხრიდან შემხვედრი ნაბიჯები გადაიდგას“, - განაცხადა მიხეილ ბენიძემ.

სასტუმრო „რედისონში" გამართულ ღონისძებაში მონაწილეობდნენ, პარლამენტის ყოფილი თავმჯდომარე ირაკლი კობახიძე, „ერთიანი ნაციონალური მოძრაობის“ თავმჯდომარე გრიგოლ ვაშაძე, „ევროპული საქართველოს“ წევრი სერგი კაპანაძე, პარლამენტის წევრი ეკა ბესელია, „შენების მოძრაობის“ ლიდერი დავით უსუფაშვილი, ევროკავშირის ელჩი საქართველოში კარლ ჰარცელი, ევროპარლამენტარები და არასამთავრობო სექტორის წარმომადგენლები.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო