სამოქალაქო მოძრაობა "გაბედეს" ოთხი აქტივისტი: მიშა ქუმსიშვილი, ბექა ნათელაშვილი, ირაკლი ქართველიშვილი და ლევან ლელაშვილი 10 დეკემბერს, 10:00 საათზე, მცხეთის პოლიციაში გამოკითხვაზე დაიბარეს. ამის შესახებ "გაბედეს"ერთ-ერთმა აქტივისმა მიშა ქუმსიშვილმა ჟურნალისტებს "ქართული ოცნების" ცენტრალურ ოფისთან განუცხადა, სადაც მათ აქცია გამართეს.
მისივე თქმით, მას შემდეგ, რაც "გაბედეს" წევრებმა მმართველი პარტის ოფისთან აქცია გამართეს, პირადად მას დაურეკა მცხეთის პოლიციის თანამშრომელმა, რომელმაც უთხრა, რომ ხვალ "გაბედეს" 4 წევრი გამოკითხვაზე უნდა დამოცხადდეს და სავარაუდოდ, ხვალვე დაინიშნება სასამართლო პროცესიც.
როგორც მიშა ქუმსიშვილმა აღნიშნა, „გაბედეს" აქტივისტებს ადმინისტრაციულ სამართალდარღვევას, ხულიგნობას და პოლიციელების მიმართ გინებას ედავებიან, "რაც არ ყოფილა და ამას ვერანაირად დაამტკიცებენ".