ბათუმში გამსახურდიას ქუჩაზე სამართალდამცავები არიან მობილიზებული. როგორც საქართველოს შინაგან საქმეთა სამინისტროში აცხადებენ, საგამოძიებო მოქმედებები "სისხლის სამართლის კოდექსის" 254-ე მუხლით მიმდინარეობს, რაც პროსტიტუციისთვის ხელის შეწყობას გულისხმობს.
უწყების ცნობით, 12 ობიექტის თანამშრომლები გამოკითხვაზე პოლიციაში არიან გადაყვანილი.
„მოსამართლის განჩინების საფუძველზე 12 ობიექტზე მიმდინარეობს საგამოძიებო მოქმედებები. აჭარის პოლიციის დეპარტამენტში დაიწყო გამოძიება სისხლის სამართლის კოდექსის 254-ე მუხლით, რაც გულისხმობს პროსტიტუციისთვის ფართის გადაცემას“, - განაცხადა აჭარის პოლიციის დეპარტამენტის უფროსის მოადგილემ ირაკლი ჭედიშვილმა.