პანკისის ხეობაში ადგილობრივებს შორის შეხვედრა დასრულდა. მოლაპარაკება სოფელ ჯოყოლოს მეჩეთთან შედგა, სადაც ბოლო დროს განვითარებულ მოვლენებზე იმსჯელეს.
დღეს იმსჯელეს ორ ძირითად საკითხზე: 27 ნოემბერს მომხდარი დაპირისპირების მოტივზე და უხუცესების უნდობლის თემაზე.
მათი თქმით, უხუცესთა საბჭოს წევრები დაკისრებულ მოვალეობას ვერ ასრულებენ, რის გამოც ხეობა მათ უნდობლობას უცხადებს და ახალი წევრების არჩევის საკითხს აყენებს.
„ეს იყო საინფორმაციო შეხვედრა. ჩვენ განვიხილეთ მკვლელობის მოტივი და ჰესების თემა. მოკლულის ოჯახმა და გვარის წარმომადგენლებმა განგვიმარტეს, თუ რა მოხდა შემთხვევის დროს. დღეს ასევე განვიხილეთ უხუცესების ლეგიტიმაციის საკითხი. ჩვენ ვფიქრობთ დღეს ხეობას არ ჰყავს უხუცესთა საბჭო. ისინი მშვიდობიანად ვერ აგვარებენ პრობლემებს. ამიტომ ყველა გვარის წარმომადგენელს ხელახლა ავირჩევთ. უახლოეს პერიოდში იქნება მსგავსი შეხვედრა, სადაც უფრო დეტალურად მოხდება ამ საკითხების განხილვა. იყო ასევე, დაპირისპირებულ გვარებს შორის შერიგების საკითხი, რასაც შემდეგ შეხვედრებზე უფრო დეტალურად განვიხილავთ“, - განაცხადეს ადგილობრივებმა.