ევრონესტის საპარლამენტო ასამბლეამ 4 რეზოლუცია  და 2 მიმართვა დაამტკიცა, ვაჟა გაფრინდაშვილის საკითხზე კი განცხადება გავრცელდება

ევრონესტის საპარლამენტო ასამბლეის მერვე ყოველწლიურ სესიაზე 4 რეზოლუციას და 2 მიმართვას კენჭი უყარეს და ხმათა უმრავლესობით დაამტკიცეს. რეზოლუციები კომიტეტებმა წარადგინა და ეხებოდა საპარლამენტო ზედამხედველობის გაძლიერებას, ენერგეტიკას, ციფრულ ეკონომიკას და განათლებას.

როგორც კენჭისყრების დასრულების შემდეგ ჟურნალისტებს საპარლამენტო უმრავლესობის წევრმა გუგული მაღრაძემ განუცხადა, ევრონესტის საპარლამენტო ასამბლეამ მხარი არ დაუჭირა ოპოზიციის მოთხოვნას, რეზოლუციაში ასახულიყო, რომ ქვეყანაში კრიზისი გამოიწვია მმართველი გუნდის მიერ მიღებულმა გადაწყვეტილებამ პროპორციული სისტემით არჩევნების ჩატარების თაობაზე.

ამასთან, მაღრაძის განმარტებით, საპარლამენტო ზედამხედველობის რეზოლუციაში ჩაიწერა, რომ ევრონესტში შემავალმა ყველა ქვეყანამ უნდა გააძლიეროს საპარლამენტო ზედამხედველობა.

რაც შეეხება პოლიტპატიმრების გათავისუფლების საკითხს, მაღრაძის თქმით, არც ეს რეზოლუცია გავიდა.

"აღნიშნეს, რომ საქართველოში გამოხატვის თავისუფლება ერთ-ერთი მაღალია ევრონესტის ქვეყნებში. ამიტომ ამაზე ხაზგასმა არ არის საჭირო. რაც შეეხება პოლიტიკურ პატიმრებს, ითქვა, რომ ისინი არავის უღიარებია პოლიტიკურ პატიმრებად, ისინი არიან ადამიანები, რომლებმაც დაარღვიეს კანონი და ადმინისტრაციულ სასჯელს იხდიან. ასე რომ, ევრონესტის ასამბლეამ არ გაიზიარა არც ეს რეზოლუცია, რომელიც ჩვენმა ოპოზიციამ და მათმა პარტნიორმა ევროპარლამენტის რამდენიმე დეპუტატმა შეიტანა",- განაცხადა მაღრაძემ.

რაც შეეხება ექიმ ვაჟა გაფრინდაშვილის საკითხს, როგორც მაღრაძე აცხადებს, ის ასამბლეის ბიურომ განიხილა, პლენარულ სხდომაზე დამტკიცდა და ევრონესტის მასალებში აისახება.

"ეს განცხადება გავრცელდება როგორც ევრონესტის საპარლამენტო ასამბლეის განცხადება. რაც შეეხება პოლიტპატიმრების საკითხს, ამას ასამბლეა არ დაეთანხმა რადგან მიაჩნიათ, რომ ეს არ არის ევრონესტის განსახილველი საკითხი და სასამართლომ უნდა განიხილოს",- განაცხდა მაღრაძემ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის