,,ექიმები საზღვრების გარეშე", "სოლიდარობა ვაჟა გაფრინდაშვილს", - ამ მოწოდებით ქუთაისში ვაჟა გაფრინდაშვილის მხარდამჭერი აქცია გამართა. არასამთავრობო ორგანიზაციების წარმომადგენლები ქალაქის ცენტრალურ მოდანზე ადამიანის უფლებების დაცვის დღესთან დაკავშირებით შეიკრიბნენ და ექიმის დაკავება გააპროტესტეს. მათი თქმით, ხელისუფლებამ კიდევ უფრო მეტი ქმედითი ნაბიჯი უნდა გადადგას.

"ადამიანის უფლებათა დაცვის დღეს შევიკრიბეთ და გავაპროტესტეთ ვაჟა გაფრინდაშვილის დაკავება. ადამიანის უფლებები არ უნდა ირღვეოდეს, მითუმეტეს, ექიმს საკუთარ ქვეყანაში გადაადგილება არ უნდა ეზღუდებოდეს. მოვუწოდებთ ხელისუფლებას, მოხდეს რეაგირება და დროულად გათავისუფლდეს", -განაცხადეს აქციის მონაწილეებმა.