ევრონესტის საპარლამენტო ასამბლეის სესიაზე რუსული აგრესიის დროს დაღუპულთა ხსოვნას წუთიერი დუმილით პატივი მიაგეს. ევრონესტის საპარლამენტო ასამბლეის მერვე სესიაზე, რომელიც თბილისში მიმდინარეობს, რამდენიმე რეზოლუცია და მიმართვა მიიღეს.
ევრონესტის საპარლამენტო ასამბლეამ პატიმრობაში მყოფ ექიმ ვაჟა გაფრინდაშვილთან დაკავშირებით სპეციალური განცხადება მიიღო. ევრონესტის საპარლამენტო ასამბლეა გმობს დე ფაქტო ხელისუფლების მიერ ექიმის უკანონო დაკავებას და მოუწოდებს, მოიხსნას მის მიმართ წაყენებული ყველა ბრალდება და უზრუნველყოფილი იყოს რეგიონისადმი დაუბრკოლებელი წვდომა საერთაშორისო ჰუმანიტარული სამართლის შესაბამისად.