"ქართული ოცნების" გენერალური მდივნის კახა კალაძის განცხადებით, ე.წ. საზღვრის უკანონოდ კვეთის ბრალდებით დაკავებული ქართველი ექიმის ვაჟა გაფრინდაშვილის გასათავისუფლებად ყველა შესაბამისი პლატფორმაა გამოყენებული.

"ვაჟა გაფრინდაშვილთან დაკავშირებით ყველა შესაბამისი უწყება, საერთაშორისო ორგანიზაციები, ყველა პლატფორმა გამოყენებულია იმისათავის, რომ რაც შეიძლება ძალიან სწრაფად მოხდეს მისი გათავისუფლება", - განაცხადა კახა კალაძემ "ინტერპრესნიუსის" მიერ დასმული კითხვის საპასუხოდ.

შეგახსენებთ, რომ ქართველი ექიმი ვაჟა გაფრინდაშვილი საოკუპაციო ძალების წარმომადგენლებმა ე.წ. საზღვრის კვეთის ბრალდებით 9 ნოემბერს დააკავეს და ორთვიანი პატიმრობა შეუფარდეს.