დიალოგის რეჟიმი ყველაზე სწორი გზაა საერთო ენის გამოსანახად. პიკეტირება, ბლოკირება და დესტრუქციული აქციები დიალოგის პროცესს აზიანებს, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ჟურნალისტებს ოპოზიციის მიერ დაანონსებულ საკანონმდებლო ორგანოს პიკეტირებასთან დაკავშირებით განუცხადა.
მინისტრის თქმით, მთავრობის პასუხი კონსტრუქციული ქმედებაა და მთავრობა ჩართული იქნება დიალოგის რეჟიმში.
„დიალოგის პროცესი მიმდინარეობს, რაზეც ჩვენი საერთაშორისო პარტნიორებიც მოგვიწოდებენ ორივე მხარეს იმისთვის, რომ შევთანხმდეთ, რა მოდელით ჩავატაროთ არჩევნები და წარვმართოთ პროცესი კონსტრუქციულად“, - განაცხადა ცქიტიშვილმა.