ძალიან გამიჭირდება „ანაკლიის განვითარების კონსორციუმზე" ყოველდღე გავაკეთო კომენტარები. მოდით, ერთად დაველოდოთ წლის ბოლოს, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა ჟურნალისტებს ანაკლიის ღრმაწყლოვანი პორტის პროექტთან დაკავშირებით განუცხადა.
მინისტრის თქმით, კონსორციუმთან მუდმივად აქვს კომუნიკაცია და უახლოეს მომავალში შეხვედრებიც იქნება.
„ნამდვილად ძალიან ცოტა დროა დარჩენილი 16 დეკემბრამდე, როდესაც ეწურებათ 400 - მილიონიანი დაფინანსების მოზიდვის ვადა და შემდეგ წლის ბოლომდე. მოდით, ერთად დაველოდოთ ამ თარიღებს, დაველოდოთ წლის ბოლოს, რამდენად იქნება შესაძლებელი კონსორციუმის მხრიდან ვალდებულებების შესრულება“, - აღნიშნა ცქიტიშვილმა.