ვაჟა გაფრინდაშვილის მეუღლე - ჟენევის მოლაპარაკებებზე დიდწილადაა დამოკიდებული საკითხის სასიკეთოდ გადაწყვეტა

დღეს და ხვალ ჟენევაში ტარდება საერთაშორისო ფორმატით მოლაპრაკებები, რომელზეც ძალიან დიდი პროცენტითაა დამოკიდებული ამ საკითხის სასიკეთოდ გადაწყვეტა, - ამის შესახებ დაკავებული ექიმის, ვაჟა გაფრინდაშვილის მეუღლემ, თამილა ლაფანაშვილმა გაეროს ოფისთან, აქციაზე განაცხადა.

თამილა ლაფანაშვილს მოლოდინი აქვს, რომ 13 დეკემბერს, 15:00 საათზე, როცა სავარაუდოდ, ვაჟა გაფრინდაშვილის სასამართლო პროცესი გაიმართება, მას გაათავისუფლებენ.

"დღეს, ადამიანის უფლებების საერთაშორისო დღეა. მისი აღნიშვნა 1948 წელს დაიწყო. ასეთ დღეს არ უნდა იყოს ადამიანი საკუთარ ქვეყანაში არააღიარებული საზღვრის გამო ციხეში. როგორც ვიცი, იქ ვაჟას გარდა, სხვა ადამიანებიც ჰყავთ დამწყვდეული. პარასკევს იწურება ის ორკვირიანი ვადა, როცა სასამართლო უნდა ჩაინიშნოს. აბსოლუტურად ყველას გვაქვს მოლოდინი, რომ ვაჟა უნდა გაათავისუფლონ", - განაცხადა ლაფანაშვილმა.

ცნობისთვის, გაეროს ოფისთან, ვაჟა გაფრინდაშვილის ოჯახის წევრებმა, კოლეგებმა და მეგობრებმა აქცია სახელწოდებით "თავისუფლება ვაჟა ექიმს" გამართეს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან