მამუკა მდინარაძის განცხადებით, „ნაციონალური მოძრაობა“ საკუთარი მოსახლეობის მოტყუებიდან ევროპარლამენტარების მოტყუებაზე გადავიდა
საპარლამენტო უმრავლესობის ლიდერის, მამუკა მდინარაძის განცხადებით, „ნაციონალური მოძრაობა“ საკუთარი მოსახლეობის მოტყუებიდან ევროპარლამენტარების მოტყუებაზე გადავიდა. ამის შესახებ მდინარაძემ ჟურნალისტებთან განაცხადა, რითაც ევროპარლამენტარების მიერ გაკეთებულ განცხადებებს გამოეხმაურა, სადაც ისინი პოლიტპატიმრებზე საუბრობენ.
„85 - კაციანი სია წარუდგინეს, როგორც პოლიტპატიმრების სია და რეალურად, პატიმრობაში, თუ არ ვცდები, აქედან სულ 4 ადამიანია. ეს თვითონ ფაქტობრივი ტყუილი. ახლა რაც შეეხება იმას, რომ საქართველოში პოლიტპატიმრები არიან, მთელი საქართველო უყურებდა, როგორ ესხმოდნენ თავს პოლიციელებს და როგორ ცდილობდნენ პარლამენტში შტურმით შეჭრას, ამიტომ იყო კენჭისყრა და ამიტომ არ დაუჭირეს მხარი ევროპარლამენტარებმა მხარი იმას, რომ ეს საკითხი იმგვარად გასულიყო, როგორც წარადგინეს „ნაციონალური მოძრაობის“ წარმომადგენლებმა. ვერ იქნა მხარდაჭერილი ის, რაც არის ტყუილი, პოლიტპატიმრები საქართველოში არ არსებობენ", - განაცხადა მამუკა მდინარაძემ.
