მოძრაობა  „გაბედეს" აქტივისტების მიმართ მოსამართლემ გადაწყვეტილების გამოცხადება გადადო

მცხეთის სასამართლოში სამოქალაქო მოძრაობა „გაბედეს" აქტივისტების - ირაკლი ქართველიშვილის, ბექა ნათელაშვილის, მიხეილ ქუმსიშვილისა და ლევან ლელაშვილის პროცესი დასრულდა. მოსამართლემ გადაწყვეტილების გამოცხადება დაუდგენელი ვადით გადადო.

ადვოკატ მარიამ ცუცქირიძის განცხადებით, თუ სასამართლო იქნება ობიექტური, სამართალდამრღვევად არც ერთი პირი არ უნდა ცნონ, წინააღმდეგ შემთხვევაში, საქმე გვექნება პოლიტიკურ დაკვეთასთან.

,,სასამართლო პროცესზე შსს-ს წარმომადგენლები იყვნენ ძალიან საცოდავ მდგომარეობაში, ვერც ერთი მტკიცებუკება ვერ წარმოადგინეს, გარდა თავის მიერ შედგენილი სამართადარღვევის ოქმისა. ამიტომ, თუ სასამართლო იქნება ობიექტური, მტკიცებულებების გარეშე სამართალდამრღვევად არც ერთი პირი არ უნდა ცნონ. პირიქით, ჩვენს მიერ მოხდა მტკიცებულების წარდგენა, ჩვენ წარმოვადგინეთ ვიდეომასალა, სადაც ნათლად და მკაფიოდ ჩანს, რომ ამ მოქალაქეებს უსწორდებოდნენ ფიზიკურად, ხდებოდა მათზე ძალადობა და ცემა. ასევე, დაიკითხა 5 მოწმე, რომლებიც ერთი და იმავე ჩვენებას იძლეოდნენ და დაასტურეს, რომ არანაირ გინებას ან საზოგადოებრივი წესრიგის დარღვევას ადგილი არ ჰქონია. აქედან გამომდინარე, ვფიქრობ რომ ყველა შემთხვევაში უნდა შეწყდეს აღნიშნული საქმე და თუ ეს საქმე არ შეწყდება, მაშინ ადგილი ექნება აშკარა პოლიტიკურ დაკვეთას", - განაცხადა ადვოკატმა მარიამ ცუცქირიძემ.

შეგახსენებთ, რომ "გაბედეს" აქტივისტები მცხეთის პოლიციაში დღეს, 11:00 საათზე დაიბარეს, სადაც მათ სამართალდარღვევის ოქმები შეუდგინეს, რომელიც მცხეთის სასამართლოს გადაეგზავნა. მათ ბრალი ადმინისტრაციული კოდექსის 166-ე მუხლით ჰქონდათ წაყენებული, რაც წვრილმან ხულიგნობას გულისხმობს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას