აგრარულ საკითხთა კომიტეტის თავმჯდომარე ოთარ დანელიამ 2020 წლის სახელწიფო ბიუჯეტს მხარი არ დაუჭირა

საპარლამენტო უმრავლესობის წევრმა, აგრარულ საკითხთა კომიტეტის თავმჯდომარემ ოთარ დანელიამ 2020 წლის სახელმწიფო ბიუჯეტს მხარი არ დაუჭირა. როგორც მან ჟურნალისტებთან განაცხადა, მთავრობამ არ გაითვალისწინა არც ერთი ის რეკომენდაცია, რომელიც ბიუჯეტთან დაკავშირებით კომიტეტს ჰქონდა და მსგავსი პრეცედენტი მას არ ახსოვს.

მან ასევე უპასუხა კითხვას, უმრავლესობის შესაძლო დატოვების თაობაზე და განაცხადა, რომ ამის საფუძველს ვერ ხედავს და აღნიშნულს არ განიხილავს.

"მინდა საზოგადოებას შევახსენო, რომ პირველი მოსმენისას ჩვენ აღნიშნულ საკითხს კენჭი არ ვუყარეთ, ვინაიდან ძალიან ბევრი შენიშვნა გვქონდა, კრიტიკას ვერ უძლებდა აგრარული მიმართულებით ის ციფრები, რომელიც იყო წარმოდგენილი. იყო მთელი რიგი მიმართულებები, როგორიც არის ფაროსანასთან ბრძოლის, მეღვინეობის ხელშეწყობის პროგრამის შემცირება, მეჩაიეობის განვითარების პროგრამა, რომელიც იგივე დატოვა მთავრობამ. ერთ- ერთი მწვავე საკითხი, რომელიც დავაყენე გახლდათ ტექნიკით უზრუნველყოფა, რომელშიც ნაცვლად 35 მილიონისა, რომელიც მოთხოვნილი იყო, 5 მილიონი დარჩა და სამწუხაროდ, უკვე 17 მილიონიანი მოთხოვნაა, 500 ფერმერზე არის პირობა მიცემული. მე ვერ ვიხსენებ პრეცედენტს, როცა დარგობრივი კომიტეტის არც ერთი შენიშვნა არ გაუთვალისწინებია მთავრობას,"- განაცხადა ოთარ დანელიამ.

ცნობისთვის, საქართველოს პარლამენტმა 2020 წლის სახელმწიფო ბიუჯეტი დაამტკიცა. პლენარულ სხდომაზე 2020 წლის ბიუჯეტის პროექტის საბოლოო ვერსია პარლამენტმა 83 ხმით 1-ის წინააღმდეგ მიიღო.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან