როდინაული-ობჩის დამაკავშირებელი საავტომობილო გზის რეაბილიტაცია სრულდება

როდინაული - ობჩის საავტომობილო გზის 5 კმ - იანი გზის მონაკვეთის რეაბილიტაცია მიმდინარე წელს დასრულდება. როგორც „ინტერპრესნიუსს“ ზესტაფონის მუნიციპალიტეტის მერიიდან აცნობეს, გზის რეაბილიტაცია 3 მილიონი ლარით არის დაფინანსებული და პროექტი მუნიციპალური განვითარების ფონდის ფინანსური მხარდაჭერით ხორციელდება.

გზის სარეაბილიტაციო სამუშაოები ზესტაფონის მერმა გიორგი გოგლიჩიძემ და მაჟორიტარმა დეპუტატმა შალვა კიკნაველიძემ დაათვალიერეს და ადგილობრივ მოსახლეობას შეხვდნენ.

„ინფრასტრუქტურულ პროექტებს შორის, რომელსაც ზესტაფონის მერია 2019 წელს ახორციელებს, თავისი მასშტაბებით მნიშვნელოვანია როდინაული - ობჩის საავტომობილო გზა, რომელიც ორ მუნიციპალიტეტს, ზესტაფონს და ბაღდადს აკავშირებს ერთმანეთთან. როდინაული - ობჩის საავტომობილო გზა არის აგრეთვე ზესტაფონი - ქუთაისის ავტომაგისტრალის ალტერნატიული გზის მონაკვეთი. რეაბილიტირებული გზით სარგებლობას 3000 მეტი ადამიანი შეძლებს“, - განაცხადა ზესტაფონის მერმა გიორგი გოგლიჩიძემ.

ზესტაფონის მუნიციპალიტეტის მერიის ინფორმაციით, პროექტის მიხედვით, გზის ზედაპირზე 18 სმ-ის სისქის არმირებული ბეტონის საფარი იგება. სამუშაოებს ტენდერში გამარჯვებული კომპანია C & K ტექნოლოგი ასრულებს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო