ბათუმში, მეჯინისწყლისა და ხახულის მდინარეებზე გაწმენდითი სამუშაოები მიმდინარეობს

ბათუმში, მეჯინისწყლისა და ხახულის მდინარეებზე შპს „ბათუმის წყლის“ მიერ მასშტაბური გაწმენდითი სამუშაოები მიმდინარეობს. როგორც "ინტერპრესნიუსს" კომპანია "ბათუმის წყლიდან" აცნობეს, სპეცტექნიკის მეშვეობით მდინარეებიდან შლამის ამოღება მიმდინარეობს. მათივე ინფორმაციით, გაწმენდითი სამუშაოების შემდეგ, მისი გაღრმავება და გაფართოება მოხდება, რაც მიმდებარე ტერიტორიაზე მცხოვრებ მოსახლეობას მოუხსნის დატბორვისა და სანიაღვრე წყლების გამტარუნარიანობის პრობლემას.

მიმდინარე სამუშაოებს ბათუმის მერი ლაშა კომახიძე, ვიცე-მერი ჯაბა ტუღუში და „ბათუმის წყლის“ გენერალური დირექტორი მარიკა გვიანიძე ადგილზე გაეცნენ.

"გასულ პერიოდში მოსული უხვი ნალექის შედეგად მდინარე მეჯინისწყალში და ხახულში მთებიდან დიდი რაოდენობით შლამის შეტანა მოხდა. მდინარეების კალაპოტის გაწმენდითი სამუშაოები გამტარუნარიანობის აღდგენას მნიშვნელოვნად შეუწყობს ხელს",-განაცხადა შპს „ბათუმის წყლის“ გენერალურმა დირექტორმა მარიკა გვიანიძემ.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის