ანა დოლიძე და დამოუკიდებელ იურისტთა ჯგუფი ხვალ უზენაეს სასამართლოსთან აქციას სახელად „ჩააგდე სია“ გამართავენ.
როგორც „ინტერპრესნიუსს“ ანა დოლიძემ განუცხადა, აქციის შემდეგ ისინი უზენაესი სასამართლოს მიმდებარე ტერიტორიიდან პარლამენტის მიმართულებით მსვლელობას მოაწყობენ.
„ხვალ ჩვენ მოსამართლეებთან მიმართებაში გადამწყვეტი დღე გვაქვს. მე კვლავაც მოვუწოდებ „ოცნების“ დეპუტატებს, რომ ჩააგდონ სია. ხვალ დილას ჩვენ გვექნება აქცია სახელად „ჩააგდე სია“ და შემდგომ მსვლელობა უზენაესიდან პარლამენტამდე, იქიდან გამომდინარე, რომ ვფიქრობთ, დღეს პრინციპულია უზენაესი სასამართლო მურუსიძე-ჩინჩალაძის მოსამართლეების გარეშე დარჩეს. „ოცნების“ დეპუტატებს მოვუწოდებ, რომ ამ წითელ ხაზთან ძალიან ფრთხილად იყვნენ იმიტომ, რომ დღეს წითელი ხაზი თავისუფალ და დამორჩილებულ სასამართლოს შორის გადის“,-განაცხადა ანა დოლიძემ.