ვიდრე ამ შეურაცხყოფას უკან არ წაიღებენ, სულ ასეთ არანორმალურ მდგომარეობაში უნდა იყვნენ ეს პოლიტიკური "კლოუნები", - განაცხადა პარლამენტის შენობასთან „ევროპული საქართველოს“ ერთ-ერთმა ლიდერმა გიგა ბოკერიამ.
მისი თქმით, „ევროპულ საქართველოს“ პოლიტიკური ბოიკოტი აქვს და დღეს უზენაესი სასამართლოს მოსამართლეების კენჭისყრის პროცესში მონაწილეობას არ მიიღებს.
„დღეს გაგრძელდება პიკეტირება და ეს პროტესტი ერთდღიანი კი არ არის, მრავალდღიანია. სანამ ამ შეურაცხყოფას უკან არ წაიღებენ, სულ ასეთ არანორმალურ მდგომარეობაში უნდა იყვნენ ეს პოლიტიკური "კლოუნები“, - განაცხადა გიგა ბოკერიამ.
დეპუტატები საკანონმდებლო ორგანოში შესვლას განაგრძობენ, აქტივისტები მათ საყვირებითა და შეძახილებით „მონა“ ხვდებიან.