ბათუმის შოთა რუსთაველის სახელობის სახელმწიფო უნივერსიტეტის ლექტორთა ნაწილი საქართველოში 2020 წლის არჩევნების პროპორციული წესით ჩატარებას ითხოვს. ამის შესახებ ლექტორებმა სპეციალურ ბრიფინგზე განაცხადეს.

როგორც ლექტორები აცხადებენ, ქვეყანაში მიმდინარე პოლიტიკური პროცესები კრიტიკულად დამძიმდა და საქართველო ჩიხშია.

„ქვეყანაში დაძაბული სიტუაციაა, კრიტიკულ მდგომარეობამდე მივედით. აუცილებელია, რომ 2020 წლის საპარლამენტო არჩევნები პროპორციული წესით ჩატარდეს. ასევე მოვითხოვთ, რომ პოლიტპატიმრები გათავისუფლდნენ",- განაცხადეს ლექტორებმა.

2020 წლის საპარლამენტო არჩევნების პროპორციული წესით ჩატარებას ითხოვენ ლექტორები: ბიჭიკო დიასამიძე, მიხეილ მახარაძე, კახა სურგულაძე, ოთარ ცეცხლაძე, ელგუჯა მაკარაძე, მალხაზ ნაკაშიძე, გიორგი მასალკინი, გივი ნახუცრიშვილი, ჯუმბერ შაინიძე და სხვები.