ლევან გოგიჩაიშვილი მოსამართლეებზე - ყველა დანაშაულზე, რომელიც სააკაშვილის დროს ამ მოსამართლეების საშუალებით „გაპრავდა”, პასუხისმგებლობა აიღო „ქართულმა ოცნებამ” - ეს ტვირთი ატარონ, მათი ხვედრი ყოფილა
ღმერთმა შეარგოს ჩინჩალაძე "ქართულ ოცნებას",- ამის შესახებ ფრაქცია "დამოუკიდებელი დეპუტატების" წევრმა ლევან გოგიჩაიშვილმა ჟურნალისტებთან განაცხადა.
მისი თქმით, მიღებული გადაწყვეტილებით "ქართულმა ოცნებამ" პასუხისმგებლობა აიღო ყველა იმ დანაშაულზე, რომელიც ამ მოსამართლეების საშუალებით " გაპრავდა".
"მორალური ტესტი ვერ გაიარა ვერც ერთმა კანდიდატმა იმიტომ, რომ ადეიშვილის მოსამართლეები იყვნენ. ეს ის ხალხია, რომელიც თავისი კეთილდღეობისთვის დაღუპავს უამრავ ადამიანს, სიბინძურეებს ჩაიდენს. ხელფასი რომ აეღოთ ყოველთვიურად, ათობით ადამიანს ციხეში უშვებდნენ. ეს ადამიანები გააფორმა დღეს "ქართულმა ოცნებამ". ღმერთმა შეარგოს ჩინჩალაძე "ქართულ ოცნებას". თითოეული ნაწამებ, გაუბედურებელ ადამიანებზე , ყველა იმ დანაშაულზე, რომელიც გაპრავდა სააკაშვილის დროს ამ მოსამართლეების საშუალებით, ამაზე პასუხისმგებლობა აიღო "ქართულმა ოცნებამ" და აი ეს ტვირთი ატარონ, მათი ხვედრი ყოფილა,"- განაცხადა ლევან გოგიჩაიშვილმა.
