საპარლამენტო უმრავლესობის წევრი რევაზ არველაძე პარლამენტის სხდომათა დარბაზში ჰაერის განმეორებით შემოწმებას ითხოვს. რევაზ არველაძემ ეს განცხადება მას შემდეგ გააკეთა, რაც პარლამენტის თავმჯდომარემ მანდატურებს დეპუტატ ენძელა მაჭავარიანის დახმარება სთხოვა, რომელიც არჩილ თალაკვაძის ინფორმაციით, კვლავ შეუძლოდ გახდა.

„ისევ სუნი დადგა ამ დარბაზში. ჩემი აზრით, უნდა მოვიყვანოთ ვინმე და შევამოწმოთ ჰაერის შემადგენლობა. პარლამენტის წევრების დიდი ხნით ყოფნა რეკომენდებულია თუ არა ამ დარბაზში, ვიდრე იმ კონდიციაში არ მოვა როგორც საჭიროა,“ - განაცხადა არველაძემ.

ცნობისთვის, პარლამენტის სხდომათა დარბაზში გუშინ გაურკვეველი ნივთიერება დაასხეს, რის გამოც 4 ადამიანი შეუძლოდ გახდა. მათ შორის იყო ენძელა მაჭავარიანიც. მომხდარზე დაწყებულია გამოძიება.