დავით ასათიანის ინფორმაციით, ვაჟა გაფრინდაშვილის ჯანმრთელობის მდგომარეობა დამაკმაყოფილებელია და შემდეგი ე.წ. სასამართლო 20 დეკემბერს გაიმართება

ე.წ. საზღვრის უკანონო ბრალდებით დაკავებული ქართველი ექიმის ვაჟა გაფრინდაშვილის საქმეზე ცხინვალის ე.წ. სასამართლოში სხდომა 20 დეკემბერს გაიმართება. ამის შესახებ „ინტერპრესნიუსს“ ადვოკატთა ასოციაციის თავმჯდომარემ დავით ასათიანმა განუცხადა.

მისივე განმარტებით, ადვოკატთა ასოციაციას ვაჟა გაფრინდაშვილის ინტერესების დამცველთან მუდმივი კომუნიკაცია აქვს. ასათიანის ინფორმაციით, ვაჟა გაფრინდაშვილი ჩვენებას არ ცვლის და ე.წ საზღვარს არ აღიარებს, რის გამოც ის საოკუპაციო რეჟიმის წარმომადგენლებმა პატიმრობაში დატოვეს. დავით ასათიანის თქმით, პატიმრობაში მყოფი ექიმის ჯანმრთლეობის მდგომარეობა ამ ეტაპზე დამაკმაყოფილებელია.

„ მართალია, რომ ვაჟა გაფრინდაშვილი საკუთარ ჩვენებას არ ცვლის და დაკავების დღიდან იძლევა ერთსა და იგივე ჩვენებას, რომ დანაშაულს არ აღირებს. ზოგადად, არ აღიარებს ე.წ. საზღვარს და ამ ე.წ. საზღვრის გადაკვეთას. დღესაც იგივე პოზიციაზეა. ადვოკატმა პატიმრობიდან მისი გათავისუფლება მოითხოვა, რაც არ დაკმაყოფილდა. ასევე მოითხოვნილ იქნა აღკვეთი ღონისძიების შეცვლა, რაც არ დაკმაყოფილდა. ის რჩება პატიმრობაში ცხინვალის იზოლატორში. შემდეგი ე.წ. სხდომა 20 დეკემბერს არის ჩანიშნული“, - განაცხადა დავით ასათიანმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია