რუსთავში, თოდრიასა და მესხიშვილის ქუჩების კვეთაზე, ავტოსაგზაო შემთხვევა მოხდა. "ნისანის" მარკის მსუბუქი ავტომობილი ქვეითს დაეჯახა. 25 წლამდე ასაკის ქალი ზებრა გადასასვლელზე გადადიოდა.

ადგილზე მობილიზებული იყო საპატრულო პოლიცია და სასწრაფო-სამედიცინო დახმარების ბრიგადა.

ახალგაზრდა ქალი კონტაქტური იყო და ის სასწრაფო-სამედიცინო დახმარების ბრიგადამ კლინიკა "რუსთავში" გადაიყვანა.