ლენტეხში, მწვერვალ აილამაზე ერთი ადამიანია ჩარჩენილი. როგორც „ინტერეპრესსნიუსს“ საგანგებო სიტუაციების მართვის სამსახურიდან აცნობეს, შეტყობინება უწყებაში დღეს საღამოს შევიდა. ადგილზე გასულია სამაშველო ჯგუფი.
არსებული ინფორმაციით, მწვერვალ აილამაზე სამი ადამიანი იმყოფებოდა, ორმა მათგანმა უკან დაბრუნება შეძლო.
საგანგებო სიტუაციების მართვის სამსახურში აცხადებენ, რომ ხილვადობის გაუმჯობესებისთანავე, ხვალ დილიდან სამაშველო პროცესში ვერტმფრენი, მაშველების დამატებითი ჯგუფი და ექიმები ჩაერთვებიან.
უწყებაში არ აქვთ კონკრეტული ინფორმაცია იმასთან დაკავშირებით თუ რა სახის ჯანმრთელობის დაზიანება აქვს მწვერვალ აილამაზე ჩარჩენილ ადამიანს, რომელმაც გადაადგილება ვერ შეძლო.