საქალაქო სასამართლოში მაგისტრატი მოსამართლის თანდასწრებით გიგა ბოკერიას დაკითხვა მიმდინარეობს

თბილისის საქალაქო სასამართლოში მაგისტრატი მოსამართლის თანდასწრებით "ევროპული საქართველოს" ერთ-ერთი ლიდერის გიგა ბოკერიადაკითხვა მიმდინარეობს.

როგორც დაკითხვის დაწყებამდე საქმის გამომძიებელმა ბექა კვიციანმა ჟურნალისტებს განუცხადა, წარმოებაშია სისხლის სამართლის საქმე ეროვნული უშიშროების საბჭოს აპარატის თანამდებობის პირთა მიერ უფლებამოსილების ბოროტად გამოყენების შესაძლო ფაქტზე.

როგორც კვიციანმა აღნიშნა, 2010-2013 წლებში, გიგა ბოკერია იყო ეროვნული უშიშროების საბჭოს მდივანი, შესაბამისად გამოძიებას კითხვები აქვს, მის მიმართ ამავე პერიოდში გაფორმებულ ხელშეკრულებებთან დაკავშირებით. ბექა კვიციანის თქმით, საქმესთან დაკავშირებით საგამოძიებო მოქმედებები ჩატარდა, რომელთა შედეგადაც გიგა ბოკერიასთვის დამატებითი კითხვების დასმის აუცილებლობა დადგა. სისხლის სამართლის საქმის დეტალებზე გამომძიებელმა ჟურნალისტებთან არ ისაუბრა იმ მიზეზით, რომ საქმეს მინიჭებული აქვს გრიფით საიდუმლო.

"საქმე არის საკმაოდ მოცულობით და გამოძიება რამდენიმე წელია მიმდინარეობს.გიგა ბოკერიას გამოკითხვის საჭიროება დადგა, დაესმება კითხვები. ზოგადად, გეუბნებით, რომ ჩატარდა საგამოძიებო მოქმედებები, რომელთა შედეგადაც დადგა გიგა ბოკერიას გამოკითხვის აუცილებლობა. კონკრეტულად, რა საგამოძიებო მოქმედებები ჩატარდა,როდის ჩატარდა იქიდან გამომდინარე, რომ საქმეს მინიჭებული აქვს გრიფით საიდუმლო,დეტალებში ვერ შევალ",-განაცხადა კვიციანმა.

იხილეთ ვიდეო

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა