იმედი მაქვს, რომ ვაჟა გაფრინდაშვილი უმოკლეს ვადაში გათავისუფლდება, - ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში, ზურაბ აბაშიძემ განაცხადა.
მისივე თქმით, მთავარია, რომ შედეგი დადგეს და დაიხუროს ეს საკითხი, ხოლო მიზეზებზე ამის შემდეგ დაიწყოს საუბარი.
„არამხოლოდ დიპლომატიური კორპუსი, არამედ მთელი ჩვენი საგარეო რესურსი ამაშია ჩართული და ხედავთ, რაოდენ დიდი რეზონანსი აქვს არამარტო საქართველოში, არამედ საერთაშორისო მასშტაბით ამ საკითხს. პირველივე დღიდან ვიყავით ჩართული. პრინციპი ასეთი იყო, რომ ნებისმიერი ფორმატი და საშუალება, ნებისმიერი კონტაქტი უნდა გამოვიყენოთ იმისთვის, რათა ვაჟა გაფრინდაშვილი სასწრაფოდ გათავისუფლებულიყო", - განაცხადა აბაშიძემ.