პოლონეთმა საქართველოს სახანძრო უსაფრთხოების სწავლებისთვის საჭირო აღჭურვილობა გადასცა

პოლონეთმა საქართველოს შინაგან საქმეთა სამინისტროს სამოქალაქო უსაფრთხოების სფეროს განვითარებისთვის სასწავლო აღჭურვილობა გადასცა.

პოლონეთი და საქართველო რამდენიმე წელია უსაფრთხოების სფეროს მიმართულებით სწავლების განვითარების მიზნით თანამშრომლობენ. აკადემიას სასწავლო აღჭურვილობა „შსს-ს აკადემიის სამოქალაქო უსაფრთხოების საკითხებში მომზადების სამმართველოს შესაძლებლობების განვითარება“ - ფარგლებში გადაეცა.

პროგრამა პოლონეთის რესპუბლიკის საგარეო საქმეთა სამინისტროს ინიციატივით, პოლონეთის რესპუბლიკის საელჩოსა და ვარშავის მთავარი სახანძრო სკოლის დახმარებით განხორციელდა. აღჭურვილობის საშუალებით პოლონელმა მეხანძრეებმა ქართველი ინსტრუქტორები გადაამზადეს. პროექტი მოიცავს პრაქტიკული სწავლებისთვის განკუთვნილ მრავალფუნქციურ სახანძრო-სამაშველო სიმულატორს, 17 ინსტრუქტორისთვის განკუთვნილ სრულ სახანძრო ეკიპირებასა და შესაბამის სასწავლო აღჭურვილობას.

პოლონეთის ელჩმა საქართველოში მარიუშ მაშკიევიჩმა შინაგან საქმეთა მინისტრის მოადგილეს - ვლადიმერ ბორცვაძეს აღჭურვილობა საზეიმო ვითარებაში გადასცა. საქართველოს შინაგან საქმეთა მინისტრის მოადგილემ პოლონურ მხარეს სამოქალაქო უსაფრთხოების სფეროში შეტანილი წვლილისთვის მადლობა გადაუხადა. აღჭურვილობის გადაცემის ღონისძიება შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზაზე გაიმართა.

ღონისძიებას, ასევე, ესწრებოდნენ პოლონეთის საგარეო საქმეთა სამინისტროს განვითარების თანამშრომლობის დეპარტამენტის დირექტორის მოადგილე მარეკ კუბერსკი, პოლონეთის რესპუბლიკის საელჩოს კონსული, პროექტის ხელმძღვანელის მოადგილე, ვარშავის მთავარი სახანძრო სკოლის ინსტრუქტორები და შინაგან საქმეთა სამინისტროს წარმომადგენლები.

„საქართველოში უკვე 300–მდე პროექტი გვაქვს განხორციელებული. რაც ადასტურებს პოლონეთსა და საქართველოს შორის მჭიდრო ურთიერთობასა და მეგობრობას. აღჭურვილობის გადაცემის ღონისძიებაც ამ ურთიერთობის ნაწილია. უკვე ხუთი წელია რაც ეს თანამშრომლობა გრძელდება ქართველ პარტნიორებთან. აღჭურვილობა, რომელიც ჩვენ გადავეცით, არის ძალიან მნიშვნელოვანი, რომ ქართველმა მეხანძრეებმა აიმაღლონ კვალფიკაცია“, – განაცხადა კუბერსკიმ.

სწავლება დღეს დასრულდა.

(R)

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ