15 წლის მოზარდის გარდაცვალების გამო, საქართველოს ეროვნულმა ოლიმპიურმა კომიტეტმა დაჯილდოება გადადო.

sportall.ge-ის ინფორმაციით, დღეს, საქართველოს ეროვნული ოლიმპიური კომიტეტის ყრილობა შედგა, სადაც სეოკ-ის პრეზიდენტმა ლერი ხაბელოვმა წლის ანგარიში წარადგინა.

ყრილობის ბოლოს საქართველოს საუკეთესო სპორტსმენის დაჯილდოება უნდა გამართულიყო, თუმცა ლუკა სირაძის გარდაცვალების გამო გადაიდო.

"მოხდა სამწუხარო ამბავი, გარდაიცვალა ლუკა სირაძე. ამიტომ დღევანდელი დღის საზეიმო ნაწილი ამოვიღეთ, სადაც საქართველოს საუკეთესო სპორტსმენები უნდა დაგვეჯილდოვებინა“,- განაცხადა ლერი ხაბელოვმა.

შეგახსენებთ, რომ 15 წლის მოზარდი, რომელმაც რამდენიმე დღის წინ თვითმკვლელობა სცადა, 17 დეკემბერს საავადმყოფოში გარდაიცვალა.