ავღანეთში, ბაგრამის საავიაციო ბაზაზე, მე-12 ბატალიონის ერთ-ერთმა ოცეულმა გეგმური სწავლება ჩაატარა

ავღანეთში, ბაგრამის საავიაციო ბაზაზე „მტკიცე მხარდაჭერის მისიაში“ მონაწილე I ქვეითი ბრიგადის მე-12 ბატალიონის ერთ-ერთმა ოცეულმა გეგმური სწავლება ჩაატარა. ამის შესახებ „ინტერპრესნიუსს“ თავდაცვის სამინისტროდან აცნობეს.

უწყების ინფორმაციით, ქართველ სამხედრო მოსამსახურეებთან ერთად წვრთნებში აშშ-ის საზღვაო ქვეითთა კორპუსის წარმომადგენლები და არმიის გამნაღმველთა დანაყოფი მონაწილეობდა.

„სწავლება ქართველი და ამერიკელი მშვიდობისმყოფელების მიერ შემუშავებული გეგმით განხორციელდა. წვრთნების მიზანი „მტკიცე მხარდაჭერის“ მისიაში ქართული ქვედანაყოფის თავსებადობის ამაღლება და კოორდინაციის დახვეწა იყო. სწავლების დროს სამხედროებს მოწინააღმდეგის ჩასაფრებაზე რეაგირება და დაშავებულისთვის პირველადი სამედიცინო დახმარების აღმოჩენა მოუწიათ, სწრაფი რეაგირების ქვედანაყოფმა კი, სამედიცინო ევაკუაცია განახორციელა. ​ I ქვეითი ბრიგადის მე-12 ბატალიონი „მტკიცე მხარდაჭერის“ მისიას ნოემბრის თვიდან ასრულებს. ბატალიონის ამოცანას ბაგრამის საავიაციო ბაზის შიდა და გარე პერიმეტრის უსაფრთხოების დაცვა წარმოადგენს”, - აღნიშნულია უწყების მიერ გავრცელებულ ინფორმაციაში.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი