საპროცედურო საკითხთა კომიტეტმა პარლამენტში ნიკა მელიას ადგილმონაცვლედ ბადრი ბასიშვილის კანდიდატურას მხარი დაუჭირა

საპროცედურო საკითხთა და წესების კომიტეტმა პარლამენტის გამოკლებული წევრის, ნიკა მელიას ადგილმონაცვლის, ბადრი ბასიშვილის კანდიდატურას მხარი დაუჭირა. კენჭისყრაში მონაწილეობა არ მიუღიათ უმრავლესობის წევრებს ენძელა მაჭავარიანსა და კარლო კოპალიანს.

კოპალიანის განცხადებით, ის მხარს არ დაუჭერს პარლამენტში ისეთი პირის ყოფნას, რომელიც მისივე თქმით, დარბევებში იღებდა მონაწილეობას. კოპალიანის შეფასებით, პარლამენტის მიერ ბადრი ბასიშვილისთვის მხარდაჭერა საკანონმდებლო ორგანოს სირცხვილი იქნება.

პარლამენტის ვიცე-სპიკერის, გიორგი კახიანის თქმით, ის ფაქტი, რომ ნიკა მელიასთვის დეპუტატის უფლებამოსილების შეწყვეტის თაობაზე პარლამენტის გადაწყვეტილება "ნაციონალურმა მოძრაობამ" საკონსტიტუციო სასამართლოში არ გაასაჩივრა, ნიშნავს იმას, რომ პარლამენტმა სწორი გადაწყვეტილება მიიღო.

რეგლამენტის მიხედვით, ბადრი ბასიშვილის უფლებამოსილება პარლამენტმა პლენარულ სხდომაზე უნდა სცნოს.

დღესვე, საპროცედურო საკითხთა და წესების კომიტეტის სხდომაზე ამავე კომიტეტის თავმჯდომარის პირველ მოადგილედ ედიშერ თოლორაია აირჩიეს.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ