დასავლეთ საქართველოში აზიური ფაროსანას მონიტორინგი მიმდინარეობს

მოზამთრეობის ფაზაში მყოფი აზიური ფაროსანას გავრცელების არეალისა და რაოდენობის დადგენის მიზნით, დასავლეთ საქართველოში სურსათის ეროვნული სააგენტოს სპეციალისტები, ფაროსანასთან ბრძოლის საკოორდინაციო მართვის ცენტრისა და საკონსულტაციო სამსახურის წარმომადგენლები საცხოვრებელ სახლებს, ტყისპირა ზოლების მიმდებარე საკარმიდამო ნაკვეთებსა და მიტოვებულ შენობებს ათვალიერებენ. ამის შესახებ „ინტერპრესნიუსს“ სურსათის ეროვნული სააგენტოდან აცნობეს.

მათი ინფორმაციით, მონიტორინგის შედეგების მიხედვით განისაზღვრება მომავალი წლის სამოქმედო გეგმა და ბრძოლის ღონისძიებები.

„აღსანიშნავია, რომ აზიური ფაროსანა მხოლოდ ერთეულ შემთხვევებში, მცირე რაოდენობით ფიქსირდება, ძირითადად ტყისპირა ზოლების მიმდებარედ, მიტოვებულ შენობებსა და სახლებში.

მონიტორინგის პარალელურად, მიმდინარეობს საინფორმაციო ხასიათის შეხვედრები მოსახლეობასთან, სადაც სპეციალისტები ადგილობრივებს ინფორმაციას აწვდიან სახლის პირობებში მავნებელთან ბრძოლის ღონისძიებების შესახებ. ამ ეტაპზე, სანამ მავნებელი პასიურია და ისეთ ადგილებში ბუდობს, როგორიცაა – საცხოვრებელი სახლების სხვენები და მიტოვებული შენობების კედლები, განსაკუთრებით მნიშვნელოვანია მასთან მექანიკური მეთოდების გამოყენებით ბრძოლა.

ადგილობრივები ფაროსანას საწინააღმდეგო ღონისძიებებს დადებითად აფასებენ და აცხადებენ, რომ წინა წლებთან შედარებით მდგომარეობა მნიშვნელოვნად არის გაუმჯობესებული, ასევე აღნიშნავენ, რომ საინფორმაციო შეხვედრების წყალობით, მავნებელთან დაკავშირებით, ბევრად ინფორმირებულები არიან.

2019 წელს მავნებლის საწინააღმდეგო ღონისძიებები სახელმწიფო პროგრამის ფარგლებში აჭარაში, გურიის, სამეგრელოსა და იმერეთის რეგიონებში ჩატარდა. თერმული ნისლის ტექნოლოგიით დამუშავდა 258 000 ჰა ფართობი; ცივი შესხურების მეთოდით - 136 851.40 ჰა ფართობი. სოფლის ტერიტორიებზე განთავსებულია 4 346 ფერომონი, ხოლო ტყის პერიმეტრებზე 91 999 „მოიზიდე და გაანადგურე“ სადგური“, - აღნიშნულია ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა