მტირალას ეროვნული პარკის მიმდებარე ტერიტორიაზე ავტოსაგზაო შემთხვევის შედეგად ხუთი ადამიანი დაიღუპა.

როგორც საგანგებო სიტუაციების მართვის სამსახურში "ინტერპრესნიუსს" განუცხადეს, ავტომობილი ხევში გადავარდა. დაღუპულია მანქანაში მსხდომი ყველა ადამიანი.

მათივე ინფორმაციით, გარდაცვლილთა ცხედრები ხევიდან უკვე ამოყვანილია და მიმდინარეობს მათი იდენტიფიცირება.

მტირალას პარკთან მომხდართან დაკავშირებით საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლის მერვე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.