ზუგდიდის სოფელ ჭაქვინჯში ჭის წმენდისას 55 წლის მამაკაცი დაიღუპა. შემთხვევა დაახლოებით სამი საათის წინ მოხდა. არსებული ინფორმაციით, ჭის გაწმენდის დროს, მუშას მიწით სავსე ვედრო დაეცა.

"ჭის მწმენდავები მუშაობდნენ. ვედროს სახელური მოწყდა და ჭაში მყოფს თავზე დაეცა. ეს ხალხი სოფელში სულ დადის და ჭებს წმენდს, გუშინაც მუშაობდნენ აქვე სამეზობლოში. ასეთი ტრაგედია დატრიალდა სამწუხაროდ. ექსპერტები წინასწარი მონაცემებით ამბობენ, რომ ეს უბედური შემთხვევაა", - ამბობს ბესო ერემაძე, რომლის სახლშიც მოხდა უბედური შემთხვევა.

მისივე ინფორმაციით, ცხედარი ექსპერტიზაზე ქუთაისშია გადასვენებული. შს სამინისტროში "ინტერპრესნიუსს" განუცხადეს, რომ მომხდართან დაკავშირებით გამოძიება, 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.