ფოთში თევზის გადამამუშავებელი ქარხნების მუშაობის შეჩერების მოთხოვნით საინიციატივო ჯგუფის წევრები კვლავ შეიკრიბნენ

ფოთში, საინიციატივო ჯგუფის წევრები ნავმისადგომთან არიან შეკრებილები. როგორც ისინი ამბობენ, ხელისუფლებასა და მათ შორის შეთანხმება ბოლომდე არ არის მიღწეული. ისინი დანაპირების გადამოწმების მიზნით პატრულირების შეწყვეტას არ აპირებენ. როგორც ამბობენ, ნავმისადგომთან ქაფშიით დატვირთული გემები დგას და ტერიტორიდან თევზის გატანის საშუალებას არ მისცემენ.

,,ჩვენ ვართ გულანთებული ფოთელები და გვინდა გავაკონტროლოთ ეს პროცესი. ხელისუფლება დაგვპირდა, რომ თევზის გადამამუშავებელი ქარხნები უახლოეს დღეებში არ იმუშავებენ. გვინდა გადავამოწმოთ. სწორედ ამიტომ ვიმყოფებით აქ. ვიცით, რომ ნავმისადგომთან დგას ქაფშიით დატვირთული გემები და ჩვენ არ მივცემთ არავის უფლებას მანქანებით გამოიტანო”,- განაცხადა საინიციატივო ჯგუფის ხელმძღვანელმა ვლადიმერ ამბალიამ.

საინიციატივო ჯგუფის წევრები დაშლას არ აპირებენ , ვიდრე მათი მოთხოვნა არ დაკმაყოფილდება.

შეგახსენებთ, რომ გუშინ და დღეს ქალაქში გავრცელებულ თევზის უსიამოვნო სუნთან დაკავშირებით საპროტესტო აქცია გაიმართა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში