ტაიფუნ „ფანფონს“ ფილიპინებში სულ ცოტა 10 ადამიანის, მათ შორის 3 წლის ბავშვის სიცოცხლე ემსხვერპლა, - ამის შესახებ ინფორმაციას „ბიბისი“ ავრცელებს.

სააგენტო „ფრანს-პრესის“ ინფორმაცით კი, გარდაცვლილთა რაოდენობა 16-ია. ფილიპინების ABS-CBN ქსელის ცნობით, ილოიოლოს პროვინციაში 12 ადამიანი დაკარგულად ითვლება.

ტაიფუნმა ძლიერი ქარი და მეწყერი გამოიწვია. ქარის სიჩქარე ზოგიერთ ადგილას 190კმ/სთ-ს აღწევდა.

შეგახსენებთ, 2013 წელს ფილიპინებს გამანადგურებელი ტაიფუნი „ჰაიანი“ დაატყდა თავს, რომელსაც 6 000-ზე მეტი ადამიანის სიცოცხლე ემსხვერპლა.