ანრი ოხანაშვილი - არ მიკვირს იმ ადამიანების კომენტარები, რომლებიც  გამოირჩევიან მედიაზე ტერორით, ტელევიზიების დახურვით და ჟურნალისტების ცემით

იმ დესტრუქციული ჯგუფების მხრიდან, რომელიც გამოირჩევა მედიაზე ტერორით, ტელევიზიების დახურვით, ჟურნალისტების ცემით, ასეთი კომენტარები არ მიკვირს, - ასე ეხმიანება იურიდიულ საკითხთა კომიტეტის თავმჯდომარე ანრი ოხანაშვილი ოპოზიციის შეფასებას, რომ ზოგიერთი ტელეკომპანიის ანგარიშებზე ინკასოს დადებას კრიტიკული ხმის ჩახშობის მიზანი აქვს.

დეპუტატი აცხადებს, რომ საქართველოში მედია პლურალიზმი უზრუნველყოფილია.

"იმ დესტრუქციული ჯგუფების მხრიდან, რომელიც წლების განმავლობაში ძალადობდა მედიაზე, რომელიც საერთაშორისო ანგარიშების მიხედვით, საერთაშორისო პარტნიორების შეფასების მიხედვით, გამოირჩევა მედიაზე ტერორით, ტელევიზიების დახურვით, ჟურნალისტების ცემით, ამ ადამიანებისგან, ასეთი ჯგუფებიდან ასეთი კომენტარები არ მიკვირს, თუმცა, არ ვაპირებ ასეთი დესტრუქციული ჯგუფების კომენტარებზე დამატებით კომენტარების გაკეთებას.

ხელისუფლების ამოცანაა, რომ მედიაპლურალური გარემო იყოს უზრუნველყოფილი ქვეყანაში და მედია პლურალიზმი ამ მხრივ უზრუნველყოფილია. ჩვენი ამოცანაა ასევე, რომ ყველა მედიასაშუალების მიმართ მოპყრობა იყოს სამართლიანი, თანაბარი. რაც შეეხება კონკრეტული უწყების გადაწყვეტილებას, ეს არის მისი და კონკრეტული მედიის საკითხი, თუ რაზე შეთანხმდებიან. ეს უკვე კონკრეტული უწყების გადასაწყვეტია, რომ სამართლიანი და თანაბარი პირობები რეალურად განხორციელდეს, დარწმუნებული ვარ ეს ასეც იქნება,“ - განაცხადა ანრი ოხანაშვილმა.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!