შუახევის მუნიციპალიტეტის სოფელ ბარათაულში სამი საცხოვრებელი სახლი დაიწვა. მომხდარის შედეგად, ერთი ადამიანი დაშავდა, რომელსაც დახმარება ადგილზე გაეწია. დაზარალებულები ქათამაძეები არიან, ისინი ამ დროისთვის თავს ნათესავებს აფარებენ.
როგორც შუახევის მუნიციპალიტეტის მერმა ფრიდონ ფუტკარაძემ "ინტერპრესნიუსს" განუცხადა, დაზარალებულებს მერია დროებით საცხოვრებელ ფართს უქირავებს. მერიაში შექმნილი შესაბამისი კომისია აჭარის მთავრობასთან ერთად, მოსახლეობის მდგომარეობას შეისწავლის და დახმარებას გაუწევს.
ხანძარმა სამი საცხოვრებელი სახლი მთლიანად გაანადგურა.