დაავადებათა კონტროლის ცენტრის ხელმძღვანელის მოადგილის, პაატა იმნაძის განცხადებით, წითელას ვირუსის ერთეული შემთხვევები კვლავ ფიქსირდება.
როგორც მან დღეს გამართულ პრესკონფერენციაზე განაცხადა, მიმდინარე წლის დასაწყისში წითელას ვირუსის შემთხვევების მაღალი მაჩვენებლი იყო, თუმცა, წლის ბოლოსთვის მხოლოდ ერთეული შემთხვევებია დაფიქსირებული.
პაატა იმნაძე მოქალაქეებს კვლავ მოუწოდებს, წითელა-წითურას ვირუსზე აიცრან.
„წითელასა და წითურაზე ვაქცინაცია ყველასთვის არის ქვეყანაში ხელმისაწვდომი და უფასო. ყველას შეუძლია ისარგებლოს და აიცრას, თუ არაა აცრილი,“ - განაცხადა იმნაძემ.