თორნიკე რიჟვაძე - ახალგაზრდობა არის ის ძალა, რომელზეც ყოველთვის იდგა ქვეყნის განვითარება

ბათუმში ახალგაზრდობის რეგიონულმა ცენტრმა წლის შემაჯამებელი ღონისძიება გამართა. აჭარის ავტონომიური რესპუბლიკის მთავრობის პრესსამსახურის ინფორმაციით, შეხვედრის ფარგლებში, ცენტრის მიერ განხორციელებული მასშტაბური ღონისძიებები და პროექტები განიხილეს. აჭარის მთავრობის თავმჯდომარე თორნიკე რიჟვაძემ ახალგაზრდების ხარისხიანი განათლების მნიშვნელობას და ქვეყნის და რეგიონის განვითარებაში მათ ჩართულობას გაუსვა ხაზი.

„ახალგაზრდობა არის ის ძალა, რომელზეც ყოველთვის იდგა ქვეყნის განვითარება. ახალგაზრდობა ქვეყნის დადებითი ცვლილებების მამოძრავებელი ძალაა. ძალიან მიხარია, რომ ჩვენ შევძელით ახალგაზრდობის რეგიონული ცენტრი გამხდარიყო მასშტაბური და მადლობა თითოეულ თქვენგანს ამ იდეის მხარდაჭერისთვის.

საქართველო საჭიროებს გულანთებულ და განათლებულ ახალგაზრდებს, საჭიროებს პატრიოტებს და ამავე დროს, ძალიან პრაგმატულ საზოგადოებას, რომელიც შეძლებს მიიღოს გადაწყვეტილება, აიღოს ის პასუხისმგებლობა, რომელიც ჩვენ ქვეყანას გაიყვანს სამშვიდობოს.

ჩვენ უნდა ვიყოთ კონკურენტუნარიანები საერთაშორისო ასპარეზზე. დარწმუნებული ვარ, რომ ჩვენი ქვეყნის წარმატება მხოლოდ ახალგაზრდების აქტიური მონაწილეობით იქნება შესაძლებელი“, - აღნიშნა თორნიკე რიჟვაძემ.

ახალგაზრდობის რეგიონული ცენტრის მიერ, 2019 წლის განმავლობაში განხორციელებულ აქტივობებში 15 000-მდე ახალგაზრდამ მიიღო მონაწილეობა. ცენტრის შემაჯამებელ შეხვედრაზე განხორციელებული პროექტების პრეზენტაციაც გაიმართა. ახალგაზრდებმა საჯაროდ განიხილეს მომავალ წელს გეგმები და პროგრამები.

ცენტრის შემაჯამებელ ღონისძიებაში მონაწილეობა მიიღეს აჭარის განათლების, კულტურისა და სპორტის მინისტრის მოადგილე ალექსანდრე დავიძაძემ და რეგიონის ახალგაზრდებმა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში