პოლიტიკურმა გაერთიანებამ „ლელო საქართველოსთვის“ ოფიციალურად დასარეგისტრირებლად იუსტიციის სახლში შესაბამისი დოკუმენტაცია წარადგინა. ამის შეესახებ „ინტერპრესნიუსს“ „ლელო საქართველოსთვის“ პრეს სამსახურიდან აცნობეს.
„დღეს, „ლელო საქართველოსთვის“ მოქალაქეთა პოლიტიკური გაერთიანების ოფიციალურად დასარეგისტრირებლად პარტიის წარმომადგენლებმა, საქართველოს კანონის მოთხოვნათა შესაბამისად, იუსტიციის სახლში წარადგინეს დამფუძნებელი ყრილობის ოქმი თანდართული დოკუმენტებით და პარტიის წევრთა 2000 კაცზე მეტი პირის სია“,-ნათქვამია ინფორმაციაში.