გადაუდებელი სამუშაოების ჩატარების გამო, დღეს, 28 დეკემბერს ელექტრომომარაგება დროებით შეიზღუდება. ამის შესახებ „ინტერპრესნიუსს“ კომპანია „თელასიდან“ აცნობეს.

მათი ინფორმაციით, მთაწმინდის რაიონში, გადაუდებელი სამუშაოების გამო 09:30 საათიდან 16:00 საათამდე შეზღუდვა შეეხება: ბარათაშვილის, ვეკუას, სულხანიშვილის, მტკვრის, ათონელის, ნიშნიანიძის და ფურცელაძის ქუჩების მცხოვრებლებს.

საბურთალოს რაიონში, გადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: ნუცუბიძის პლატოს II მიკრორაიონის და ბესარიონ ჟღენტის ქუჩის მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.