ქობულეთში, სოფელ ქაქუთში რომანაძეების შვიდსულიანი ოჯახის საცხოვრებელი სახლი ხანძრის შედეგად, მთლიანად დაიწვა. შემთხვევის შედეგად, არავინ დაშავებულა. დაზარალებული ოჯახი თავს ახლობლებს აფარებენ.

ქობულეთის მერიაში აცხადებენ, რომ რომანაძეების მდგომარეობას სპეციალური კომისია შეისწავლის.

მომხდართან დაკავშირებით, საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 187-ე მუხლის მეორე ნაწილით დაიწყო, რაც ნივთის დაზიანებას ან განადგურებას გულისხმობს.